تثبيت الفا 4 من android ics 4.0.4 لجوال n9

بسم الله الرحمن الرحيم

والسلام عليكم ورحمة الله وبركاته

جمعه مباركه عليكم  جميعًا 

ويقول المثل النوم سلطان او غلاب او مهما كان فهو كارثه (( ماعليه واحد مواصل اعذروه

عمومًا عذرًا مقدمًا لاي اخطاء مواصل من امس للان الساعه السادسه عصرًا او مغرب او مدري 

عمومًا فضيت وبعد  قلت اسوي الشرح الان دام مانمت ولأ احس بنوم (( هيين

عموما الشرح ذا يتكلم عن نسخة الاندرويد ع جوال n9 وكالعاده المطور يقوم ببعض التطويرات الجيده ولكن اللتي ينقصها الكثير ليكون النظام كاملا او تعدي مرحلة الالفا ع ا لاقل وتنتقل بيتا 

معاليه لحد الان بنحط الشرح مفصل وللعلم فقط ساشرحه للي نسخة نظامه الحالي بالجوال هي PR1.3 

يعني اللي حدث جواله نظام الميجو للاصدار الاخير وهو pr1.3 

طبعًا مادري لو يختلف من ناحية التحديث الهوائي يعني عبر الوايرلس ومن الجوال نفسه او لأ 

ولكن للعلم انا قمت بتثبيت التحديث يدويًا عبر برنامج الفلاشر واللي موجود شرحه هونا

طريقة تفليش وتثبيت نظام لجوال n9 شرح مفصل

 عمومًا الشرح واضح اظن ولكن يحتاج تركيز للمبتدئين وهو مو لازم يعني تقدر تجرب الخطوات بدون عمل الفلاشر وتجرب ان ضبط ضبط ماضبط الله يعينك تعمل فلاشر وتعيد الخطوات

وبخصوص اللي لسى نظامهم تبع الجوال pr1.2 فماعليهم مشكله فقط يقوم بحذف نسخة الاندرويد القديمه ويثبت الجديدهـ 

و بس الان ببدا الشرح خليكم معايا =)>

اولأ يجب تحميل نسخة الادرويد ووضعها وين بجوالك اكيد وبالمسار الرئيسي

يعني اشبك جوالك بالحاسب وحط تخزين كبير السعه 

وارزع بالملف ع طول في المكان اللي يظهر لك تبع الجهاز 

نسخة الادرويد الفا 4 

http://downloads.nitdroid.com/e-yes/n9/nitdroid_n9_ics_alpha4.tar.bz2

ملف الكيرنل الخاص بالنسخه pr1.3

http://downloads.nitdroid.com/e-yes/n9/zImage.pr13 

ملف الكيرنل بعد تحميله يتم وضعه في المسار التالي بالحاسب مو الجوال

C:\Program Files\Nokia\Flasher

يعني بمكان برنامج الفلاشر 

عمومًا يجب تحميل نسخة نظام pr1.3 لمن لم يقم بالتحديث ولمن قام بالتحديث عبر الهوائي يعني الوايرلس من الجوال نفسه

والشرح موجود

طريقة تفليش وتثبيت نظام لجوال n9 شرح مفصل

وزي ماقلنا لازم نحط كود جوالنا ونحمل نسخته الخاصه والكود تحصلونه تحت القطعه حق الشريحه عموما مشروح بالموضوع تبع التفليش 

وش بقى يا حمد وش 

ايه خلاص

لمن عنده تجربه سابقه مع الفلاشر ساضع اموار الفلاشر بشكل مبسط 

وعليكم فقط فتح الدوس الخاص بالفلاشر ووضع الاسم تبع ملفكم ولصقه فيه

امر التفليش

flasher.exe -F filename.bin -f -R

الكلمه الحمرا تحط اسم ملف النظام اللي حملته من النافي فيرم

بعدها مثلأ يصير كذا 

flasher.exe -F DFL61_HARMATTAN_40.2012.21-3_PR_LEGACY_006-OEM1-958_ARM.bin -f -R

وتحطه بالدوس 

بعدها تضغط انتر وبيقول اشبك الجوال او وصله بالحاسب

تخلي الجوال مطفئ وتشبكه باليو اس بي وراح يتم تحميل نظام pr1.3

طبعًا اللي عنده نظام PR1.3 بجواله مو مضطر يسوي هالخطوه 

واللي عنده النظام PR1.2 وحاب يظل عليه كمان مو مضطر يسوي الخطوه ذي

لان النسخه شغاله ع القديم وعادي مجرد ترقيه للاندرويد او مسح القديم وتنزيل الجديد

انما الشرح هو للي جواله محدث للنسخه PR1.3

نقول اننا ثبتنا النظام خلاص وبقى الكيرنل و  الاندرويد

طيب الكيرنل قلنا نخليه بمسار الفلاشر

اللي هو 

C:\Program Files\Nokia\Flasher

الان ناخذ الامر التالي

flasher -a filename.bin -k zImage.pr13 --flash-only=kernel -f -R

تحط اسم ملف النظام تبعك لا تنسى بمكان الكلمه الحمرا

بعد اضغط انتر وطفي الجوال ولما يطفى اشبك اليو اس بي وبيبدا يحمل

شوي ويخلص ماراح يطول

بعدها تظهر بالجوال شاشة 

افاا خرب الجوال 

عادي خليه شويات ويشتغل =)> 

بعد التشغيل نجي لتثبيت الاندرويد و البوت او المولتي بوت 

طبعًا حملنا نسخة الاندرويد حطيت رابطها فوق لكم 

بقى البوت 

صح نسيت -__-

لو عملنا فلاشر في خطوه لازم منها 

نشبك الجوال بالانترنت عبر الوايرلس ثم ندخل الاعدادات - الحمايه - وضع المطور

نفعل الخيار بيجي تثبيت ماتثبيت نحط موااافق وقبول

نخليه يثبت ويعيد تشغيل بعد التثبيت من نفسه

وان ماعاد نفسه ابرك بعد المهم لو اعاد تشغيل بعد مايشتغل نروح لبرنامج التيرمينال terminal

هذي صورته 

نشغله  و ندخل الاتي 

devel-su 

وتضغط انتر

بيقول حط باسورد يالخوي

دوس

rootme

وانتر وراح يمشي الوضع كالتالي

الان اذا كنا قد ثبتنا نسخه سابقه من الاندرويد يستحسن حذفها وهذا راجع لكم

امر الحذف 

rm -rf /home/nitdroid/

نضغط انتر ونلاحظ صار # 

بعده نقوم بانشاء مجلد اندرويد نكتب

mkdir /home/nitdroid/

ونضغط انتر نلاحظ انه صار مكتوب #

الان يجي دور تثبيت الاندرويد

طبعا احنا حملناه ونقلناه للي الجوال بالمكان الرئيسي

الان نكتب الامر التالي 

tar xjvf /home/user/MyDocs/nitdroid_n9_ics_alpha4.tar.bz2 -C /home/nitdroid/

ملاحظه مهمه تفيدك بكتابة المسار بشكل اسرع

مثلأ تكتب اول حرف من جمله وتضغط tab يجي لك الاسم كامل

مثلأ تكتب / وبعده h ثم تضغط زر tab راح يجيبه لك 

/home/

وهذا يفيدك 

عموما الامر الموجود الى فيه 

-C

حرف السي يجب يكون كبير لا تنسو هذا الشي

عموما بعد كتابة الامر بشكل صحيح راح نضغط انتر ويبدا بالتحميل

زي ما احنا شايفين جالس يحمل نخليه لييين يخلص ويكتب #

الان نقوم بتحميل ملف البوت هذا 

http://forum.nitdroid.com/index.php?action=dlattach;topic=127.0;attach=94

واذا خلص تثبيت الاندرويد ننقل ملف البوت  إلى جانب ملف الاندرويد يعني بالجوال بالمكان الرئيسي له

وبعدها نثبته بنفس الطريقه اللي ثبتنا فيها الاندرويد ولكن مع اختلاف بسيط

نضغط سهم فوق من الكيبورد تبع الجوال واللي مو مفعله  

وانت فاتح التريمينال في فوق باليمين زر تضغطه يجيك قائمه بالقائمه موجود Toolbar اضغط عليه واختار Arrows

لمن تضغط السهم الاعلى راح يجيب لك اخر شي كتبته 

واكيد كان امر الاندرويد طبعا بعد ادخال امر الروت اللي هو

devel-su 

rootme

تضغط سهم فوق بيجيب لك

tar xjvf /home/user/MyDocs/nitdroid_n9_ics_alpha4.tar.bz2 -C /home/nitdroid/

تمسح من نهاية لين يصير كذا

tar xjvf /home/user/MyDocs/

وتكتب فقط si وتحط tab راح يكتب لك كالتالي

tar xjvf /home/user/MyDocs/sillyboot_

حط رقم 2 واضغط tab

بيصير 

tar xjvf /home/user/MyDocs/sillyboot_2.tar.bz2 

اكمل فقط بعدها مباشر ليصبح هكذا

tar xjvf /home/user/MyDocs/sillyboot_2.tar.bz2 -C /

واضغط انتر

راح يكتب كلمتين ويصير #

الان نعيد تشغيل وبعد التعجب الصفرا بيقول اضغط زر رفع الصوت لتشغيل الاندرويد

وبعدها انتظر لين تشتغل ومبروك عليكم

ولمن اراد تغيير شكل الواجهه للتبديل بين النظامين بشكل احترافي يشاهد المشاركه التاليه

واجهه جديده للـ مولتي بوت - multiboot sci fi لجوال n9 

اتمنى اني ماخرفت وانا اشرح واتمنى الشرح واضح ومفهوم

واحب اذكر اللي نسخة نظامه pr1.2 فقط يحمل الاندرويد ويثبتها 

اتمنى منكم الدعاء لي بظهر الغيب واعذروني لو قصرت بشي

واتمنى عند النقل ذكر المصدر هذا تعب ومجهود بالكتابه  :/ 

دمتم سالمين